नवा छंद

मनातल्या भावनांना उगच वाट करुन दिली,
कालच आणलेली कोरी वही लगेचच भरुन गेली,
बघता बघता हा नवा छंद जडला,
शब्दांशी खेळतांना,आय़ुष्याचा एक डाव सरला..

तिच्याशी भांडत असताना,
मीच नकळत तिच्या बाजूनी होतो !
तिच्या गालचे अश्रू पुसत, रागच माझा फितूर होतो !!

तस पाहिलं तर,
तिची माझी सच्ची मैत्री होती..
आज कित्येक वर्षानी भेटलो,
माझ्या सारखीच तिही
कोणा एकासाठी एकटी होती !!

एकटं जगताना कधी गरज भासते सोबतीची ...
जमत जाते दोस्ती, जुळत जातात नाती,
एक वेळ येते वाटंत, बरी होती वाट एकट्याची !!

शब्द मोत्यांसारखे असतात म्हणून कसेही माळायचे नसतात....
शब्दांच्या ओळी होतांना, शब्दांचे अर्थ सांडायचे नसतात!!