पैसा

त्याच्यासाठीच भर दरबारात
द्रोपदीचं वस्त्र फाडलं गेलं
फक्त त्याच्यासाठीच
राजा हरीश्चंद्राला
स्वप्न पाडलं गेलं...

अन् वेळोवेळी
पैसाच नसतो सर्व काही
असं म्हणताना
वास्तवाला मातीत गाडलं गेलं...

आजही त्याच्यासाठीच जो तो वेडावला आहे
पैशासाठी माय बहिणी
गहाण टाकणारा 'माणूस'
या कलयुगानं घडवला आहे..

माणसामध्ये असणारा
माणुसकीचा अंश
माणसाने आज
काढून फेकला आहे...

न्यायदानासाठी न्यायखुर्चीवर
बसवलेला न्यायाधिशही
पैशाने आज विकत घेतला आहे.